Jak Kawee Bing Tambak


Bak saboh uroe Minggu beungoh, na rakan saboh sikula nyang tinggai hana jioh dari rumoh. Kamoe mupakat jak kawe bing bak tambak di likot rumoh lon. Nan rakan lon nyoe si Midi. Si Midi nakeuh rakan saboh sikula bak SMP. Uroe Minggu nyan kamoe ka mupakat neujak kawe bing bak tambak di likot rumoh lon. Di likot rumoh lon cit na tambak teumpat ureung peulara eungkot, udeung, bing tambak ngon tempat adee sira. Tambak yang keumeung awak kamoe kawee nyo kon bak tambak lon po tapi bak krueng cut yang na di sekitar tambak.

Oh katroh uroe minggu si Midi teuka ngon geuritan tangen. Hana preh trep lon laju meukeumah peusiap bak kaye pucok ubiet keu gang kawe. Na teuma beuneung sangsi ukuran teubai keujeut keu beunenung kawe. Hana tuwo umpeuen kawe jih. Umpeuen keu kawe bing nyo khas, kamoe pakek ulee manok. Ulee manok nyan ka lon bloe baroe bak peukan Atjeh, yum jih get that murah cuma 1000 rupiah nyan ka meuteume lhe.

Ka siap mandum alat kawe, ka siap awak kamoe jak u tambak di likot rumoh. Na meu padum boh pacak kawe ka teupasang bak neuheun. Hana peurle trep keu meurumpok bing, saboh keu saboh mata kawe dikap le bing. Saboh saboh ngon that peuleuheun lon beuot kawe nyang bak ujong mata kawe kana bing teungoh ji kap ulee manok. Lagee nyan ka teubeuot kawe laju di sawok le jala. Lagee nyan keuh untuk nyang timang kawe laen saboh keu saboh kawe kamoe beuot ban mandum na bing. Na yang bing raya na cit bing yang ubit.

Oh ka cot uroe, bing kana meu padum boh lam embe. Di jampu ngon on Bako mangat bing hana i plung teubit dari embe. Ka siap kamo puwoe bing nyan. Lon cuma puwo meu padum boh bing, leubeh lee di puwo le si Midi. Lon hana that galak pajoh bing, bak sang na alergi. Lon leubeh galak bak meukawe bing mantong.

Seugalom meupisah bak uroe nyan, kamoe meuduk ile di meuyub bak u sirang meupajoh makanan nyang di bungkoh le Mak si Midi. Na ie sirop ngon kueh-kueh peunajoh mangat. Sirang meuduk kamo meuceurita kiban rencana minggu ukeu ho lom tajak. Na rencana keumeung jak keumawe ungkot teuma di alue nyang to rumoh si Midi. Abeh kueh peunajoh hana teurasa leuho uroe ka troh teuka. Nyan tanda ka jeut ta woe u rumoh maseng-maseng bek that trep ta jak meuen troh tuwo watee. Aleuh meupamit bak Mak ngon Ayah lon, si Midi dilake ijin wo balek u rumoh jih. Lam guni na bing ka meubungkoh meuikat talo digantung bak geutangen baro. Ka siap si Midi dikayoh geutangen gadoh ditancap gah. Meunan keuh ceurita bak saboh uroe minggu kamo di gampong dilee.

Jakarta, Desember 2014

About isackfarady

drink water
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s